Ханз үсэг (漢字 – かんじ) буюу Хятад бичиг үсгийг орчин үеийн Япон улс нь өөрийн бичгийн соёл болох hiragana (ひらがな、平仮名), katakana (カタカナ、片仮名), Араб тоонууд (Indo Arabic numerals) болон ховор хэрэглэгддэг Латин цагаан толгойтой (Latin alphabet, also known as Romaji) цуг ашигладаг болно. Ханз үсэг (漢字) нь Япон нэр томьёонд үгчлэн орчуулбал “Хан бичиг үсэг” (“Han characters”) утгатай болно.
Эрт үеийн Хятад нь хүрээлэн буй орчны эргэн тойрондохь элдэв зүйлсийн зургийг зуран иржээ. Эдгээр зургууд нь аажмаар хялбаршиж дөрвөлжин дүрсээр илэрхийлэн бичих нь илүү амар болов. Үүнээс үүдэн одоо цагийн Ханз үсэг үүсжээ. Ханз үсэг болгон өөрийн гэсэн өвөрмөц утгыг агуулдаг.
Гол төлөв Ханз үсэг нь 2 янз болох “KUN YOMI” (Япон уншлага), “ON YOMI” (Хятад уншлага) уншигддаг болно. Үгэнд Ханз үсэг ганцаар оршин байвал “KUN YOMI” дуудлагаар дуудаж өөрт оногдсон утгаа агуулдаг. Ханз үсгүүдийг хамтад нь ашиглан өөр утгайтай Ханз үсэг бүтээдэг бөгөөд эдгээрийг голдуу “ON YOMI” дуудлагаар дууддаг болно. Дараах зурганд Ханз үсэг хэрхэн зурагнаас үүссэн болохыг харуулав.
Японы бичгийн системд Ханз үсэг их нүсэр байр эзэлдэг ба нийт Ханзны тоо нь маргаантай байдаг байна. Dai-kanwa-jiten (the great Kanji-Japanese dictionary) толь бичигт барагцаалснаар 50,300 гаруй Ханз үсэгтэй болно. Сонин сэтгүүл уншихад 3,132 Ханз үсэг мэдсэн байх шаардлагатай гэсэн судалгаа гарчээ.
No comments:
Post a Comment